El proyeutu ye una iniciativa de Scouts y Guíes d’Austria que, cola collaboración de Scouts d’estremaos países d’Europa y otros continentes, esparden la Lluz de la Paz prendida cada añu por un neñu o neña austriacu na cueva la Nacencia de Xesús en Belén.

La distribución de la Lluz de la Paz a tolos países participantes faise dende Viena. Ellí, delles selmanes enantes de Navidá, repártese la Lluz a toles delegaciones asistentes pa que la faigan llegar a los sos respeutivos países con un mensaxe de Paz, Amor y Esperanza.

Dempués, los Scouts y les Guíes distribuinla per parroquies, cases particulares, hospitales, residencies de vieyos, prisiones y otres asociaciones de los sos respeutivos pueblos y ciudaes

N’España cada añu, tresnamos too p’acoyer na nuesa casa la Lluz de la Paz de Belén con una riestra preseos que mos averen al sentíu de la Navidá.

Lluz en ti , ye l’eslogan d’esti añu.

La Lluz de la Paz de Belén va aportar a Zaragoza, apurrida po Scouts Católicos d’Aragón el 11 d’avientu , dende u van salir abondes delegaciones pa distribuyila per tolos requexos d’España.